ប្រសើរណាស់ ! អាជ្ញាធរ​អនុញ្ញាត​ឲ្យរទេះ រ៉ឺកម៉ក ​លក់ដូរ​នៅ​ទីសាធារណៈ​វិញ​ហើយ តែត្រូវអនុវត្តតាម​លក្ខខណ្ឌ​ទាំងនេះ…

ខេត្តព្រះសីហនុ៖ កាល​រសៀល​ថ្ងៃទី​២២ ខែមិថុនា ឆ្នាំ២០២០​​នេះ ក្រោយ​មានការ​តវ៉ា​ពី​ក្រុមអាជីវករ​ប្រមាណ​ជាង​១០០​នាក់លោក អ៊ី សុខ​ឡេង អភិបាលក្រុង​ព្រះសីហនុ ខេត្ត​ព្រះសីហនុ បានអនុញ្ញាត​ឲ្យ​អាជីវ​កម្មករ​លក់ដូរ​នៅ​ទីសាធារណ​វិញ​ហើយ។

លោក អ៊ី សុខ​ឡេង បាន​អះអាង​ពី​ការព្រមព្រៀង​គ្នា​រវាង​អាជ្ញាធរ និង​អាជីវករ​ជាពិសេស​ផ្ដោតលើ​អ្នកលក់​តាម​កង់ ម៉ូតូ និង​រថយន្ត​ចល័ត ដែល​ត្រូវបាន​អនុញ្ញាត​ឲ្យ​លក់​លើ​ឆ្នេរ ការដ្ឋាន និង​ទី​សារ​ធារ​ណៈ ប៉ុន្តែ​សម្រាប់​អ្នកលក់ដូរ​ដែល​គ្មាន​ទីលំនៅ​ច្បាស់លាស់ តម្រូវ​ឲ្យ​មានផ្ទះ ឬ​ផ្ទះជួល ពោលគឺ​មិន​អនុ​ញ្ញ​ត​ឲ្យ​យក​កន្លែង​សាធារណៈ​ធ្វើជា​កន្លែង​ស្នាក់នៅ​អចិន្ត្រៃយ៍​ឡើយ​។

​លោក​អភិបាលក្រុង​ព្រះសីហនុ បាន​ថ្លែងថា​៖ «​សម្រាប់​អ្នកលក់​តាម​ការដ្ឋាន​សំណង់ មិនត្រូវ​លក់​នៅលើ​ផ្លូវ និង​ចិញ្ចើមផ្លូវ ឬ​លើផ្លូវ​ដែលមាន​ចរាចរណ៍​ច្រើន​ឡើយ​។ ចំណែក​អ្នកលក់​តាម​ឆ្នេរ ត្រូវ​រក្សា​សណ្ដាប់ធ្នាប់ មិនត្រូវ​រៀបចំ​កន្លែង​អង្គុយ​សម្រាប់​ភ្ញៀវ​ឡើយ និង​ត្រូវ​ឲ្យ​មាន​ធុងសំរាម​ត្រឹមត្រូវ​។ សម្រាប់​អ្នកលក់ដូរ​តាម​ផ្ទះ​គឺ​មិន​ចោទ​ជា​បញ្ហា​ឡើយ ព្រោះ​បាន​ដោះស្រាយ​តាំងពី​ការសាងសង់​ផ្លូវ​ទាំង​៣៤​ខ្សែ​មក​»​​ ៕

Related posts

Leave a Comment