អបអរសាទរ!! ទីបំផុតតាង៉ែន ប៉ៃលិន កកស្ទះពេញខេត្តនោះ ក្រសួងរកទីផ្សារបានហើយ នឹងនាំទៅប្រទេស…

ដំណាំមៀនប៉ៃលិន ឬហៅថា តាង៉ែន កំពុងមានការដាំដុះ និងទទួលបានទិន្នផលយ៉ាងច្រើននៅក្នុងប្រទេសកម្ពុជា ប៉ុន្តែអ្វីដែលការរាំងស្ទះសម្រាប់កសិករនោះគឺការខ្វះទីផ្សារនាំចេញដំណាំប្រភេទនេះទៅក្រៅប្រទេស ។

ដើម្បីឆ្លើយតបទៅនឹងបញ្ហានេះ ឯកឧត្តម វេ​ង សុខុន ​រដ្ឋមន្ត្រី​ក្រសួងកសិកម្ម រុក្ខា​ប្រមាញ់ និង​នេសាទ បាន​ថ្លែងថា ​ក្រសួងកសិកម្ម កំពុង​ពិភាក្សា និង​បាន​ដាក់​សំណើ​រួចហើយ​ទៅកាន់​ចិន​ ក្នុង​ការ​នាំ​ផ្លែ​មៀន​ប៉ៃលិន ​ទៅកាន់​ទីផ្សារ​ចិន បន្ទាប់ពីការនាំចេញស្វាយស្រស់ដែលមានការអនុញ្ញាតដោយភាគីមានភាពរលូនបន្តិច ។

កាលពី​ថ្ងៃទី​១៤ ​ខែមិថុនា​ឯកឧត្តម វេ​ង សុខុន បាន​មានប្រសាសន៍នៅក្នុងកិច្ចសំណេះសំណាលជាមួយប្រជាជនដាំតាង៉ែន នៅខេត្តប៉ៃលិនថា ​បច្ចុប្បន្ន​ក្រសួង​កំពុង​ជំរុញ ​និង​ចរចា​ជាមួយ​ភាគី​ចិន ដោយ​យកចិត្តទុកដាក់ ​និង​ស៊ីជម្រៅ​ទាំង​ការងារ​បច្ចេកទេស ​និង​លក្ខខណ្ឌ​តម្រូវ​ភូតគាម​អនាម័យ​សំខាន់ៗ ដែល​ភាគី​កម្ពុជា​ ត្រូវ​បំពេញ​ឱ្យខាងតែបាន ​ដោយ​ថ្មីៗ​នេះ ក្រសួង​បាន​ទទួល​ចម្លើយ​បឋម​ពី​ភាគី​ចិន​ថា ​ករណី​សំណើ​នាំចេញ​មៀន​ប៉ៃលិន ភាគី​ចិន​បាន​និងកំពុង​ពិនិត្យ​លើ​ឯកសារ​សំណើ​នេះ​តាំងពី​ខែមិថុនា ឆ្នាំ​២០១៩ ។

ឯកឧត្តម​ ក៏បាន​ណែនាំ​ដល់​សមាគម​ផ្លែ​មៀន​ប៉ៃលិន ​និង​អ្នក​ដាំ​ត្រូវ​ខិតខំ​ផលិត​ផ្លែ​មៀន​ឱ្យមាន​គុណ​ភា ព​ល្អ​តាម​ក្បួនខ្នាត​បច្ចេកទេស មាន​ទាំង​ការដាំដុះ ​ការថែរក្សា ​ការពារ​សត្វ​ចង្រៃ ​ការប្រើ​ជី និង​ថ្នាំ ដោយ​ក្រោយពេល​ប្រមូល​ផល ​ពិសេស​ការអនុវត្ត​កសិកម្ម​ល្អ (GAP) ​នៅ​នឹង​ចម្ការ​ផ្ទាល់ និង​ការអនុវត្ត​កន្លែង​កែច្នៃ​ល្អ (GMP) តែម្តង​ ដើម្បី​ឆ្លើយតប​ទៅ​នឹង​តម្រូវការ​ទីផ្សារ​នាំចេញ​ ។

សូមបញ្ចាក់ថា បច្ចុប្បន្នការដាំមៀនប៉ៃលិន ឬ តាង៉ែននៅក្នុងខេត្តប៉ៃលិន មានចំនួន​សរុប​ជាង ៣២៥០​ហិកតា ​ក្នុង​មួយឆ្នាំៗ ផ្តល់​ទិន្នផល​បាន​ជាង ៣២ ៥០០​តោន ៕

Related posts

Leave a Comment