សូមសរសើរទឹកចិត្តបងប្រុស!! បងប្រុសលក់ដំឡូង អាប់លុយខ្វះតែ៥០០រៀល រុញរទះរត់តាមប្រគល់ឲ្យម្ចាស់លុយឡើងចំងាយណាណី…

យោងតាមរយៈ​គណនី​ហ្វេសប៊ុក​របស់​បុរស​ម្នាក់​ដែលមាន​ឈ្មោះ​ Ry Sotharith បាន​ធ្វើ​ការ​ចែក​រំលែក​នូវ​រឿង​ដ៏​គួរឲ្យ​កោតសរសើរ​មួយ​ ខណៈ​ដែលមាន​បងប្រុស​ម្នាក់​ជាអ្នកលក់ដូរបន្តិច​បន្តួច​នៅតាមដង​ផ្លូវ​ក្នុង​ខេត្ត​សៀមរាប​ ដោយគាត់មាន​សេចក្តី​ទៀង​ត្រង់​ ​​សច្ច ធម៌​ មិនចេះ​កិបកេង​ដោយការចង់បាន​លុយមិនមែនជារបស់​ញេីសឈាម ​ខ្លួន​ឯង​នោះទេ។

នេះ​គឺជា​សំណេរ​រៀបរាប់​របស់​ម្ចាស់​គណនី​ហ្វេសប៊ុក​ខាងលើ​​ ដោយមាន​ខ្លឹមសារ​ដូច​តទៅ​៖«បេះដូងអ្នកសៀមរាប រឿងលុយ ៥០០រៀល៖ ខ្ញុំទិញដំឡូង និងសណ្តែកដីគាត់ ហើយគាត់អា ប់លុយខ្វះអោយខ្ញុំ៥០០រៀល​ ខ្ញុំមិនដឹងក៏ដើរចេញមកជិតកន្លះគីឡូ តែមិននឹកស្មានថាគាត់រត់តាមខ្ញុំជាមួយរទេះគាត់ជាងកន្លះគីឡូគ្រាន់តែយកលុយអា ប់ដែលខ្វះ៥០០រៀលអោយខ្ញុំវិញ។ តើមានប៉ុន្មានអ្នកនៅមានបេះដូងបែបនេះ? ភាពស្មោះត្រង់ របស់ប្អូននឹងនៅជាមួយខ្ញុំរហូត»។

បន្ទាប់​ពី​បាន​ឃេីញ​បែបនេះ​ មាន​ប្រិយមិត្ត​ជាច្រើន​បាន​សម្ដែង​នូវ​ក្តី​គោរព​ និង​កោតសរសើរ​ជាខ្លាំង​ចំពោះ​ទឹកចិត្ត​ដ៏​ប្រពៃ​របស់​បងប្រុស​ជាអ្នកលក់ដូរខាងលេីនេះ​ បេីទោះបីជា​គាត់មាន​ជីវភាព​ខ្វះខាត​ រកមួយថ្ងៃចាយ​មួយថ្ងៃពិតមែន​ តែគាត់មាន​បេះដូង​ស្មោះត្រង់​ និង​មាន​សេចក្តី​ថ្លៃ​ថ្នូរ​ មិនអាច​កាត់​ថ្លៃបាននោះទេ។

Related posts

Leave a Comment