ពិតជាគំរូល្អណាស់! រៀបអាពាហ៍ពិពាហ៍ យកចាប៉ីដងវែង ច្រៀងកំដរភ្ញៀវកិត្ដិយស…

លោក ហោ គន្ធា នាយក​ប្រតិបត្តិ​ក្រុមហ៊ុន​ អិម​ អ​ សុខារ៉េស៊ីដេន​ គ្រុបបានរៀបអាពាហ៍ពិពាហ៍ជាមួយកញ៉ាម៉ៅ​ ស្រីនិច កាលពីថ្ងៃទី២១ ខែធ្នូ ឆ្នាំ២០១៩ នៅភូមិ​សំណង់​ សង្កាត់​រការធំ​ ក្រុង​ច្បារមន​ ខេត្ត​កំពង់ស្ពឺ តាមទំនាមទំម្លាប់ ប្រពៃណី ប៉ុន្ដែអ្វីដែលជាការកត់សម្គាល់គឺគូរស្វាមីភរិយាថ្មីនេះបានសម្រេចយកចាប៉ីដងវែងមកច្រៀងកំដរដល់ភ្ញៀវកិត្ដិយសក្នុងពេលទទួលទានអាហារនៅក្នុងភោជនីយដ្ឋានដ៍ទំនើមមួយកន្លែងក្នុងទីរួមខេត្ដកំពុងស្ពឺ។​

ក្នុងពិធីសិរីមង្គលសួស្តីខាងលើនេះលោក ហោ​គន្ធា​ និង​ភរិយាសូម​ថ្លែង​អំណរគុណ​យ៉ាង​ជ្រាលជ្រៅ​បំផុត​ ចំពោះ​វត្តមាន​ដ៏​មាន​តម្លៃ​ របស់​ ឯកឧត្តម​ លោកឧកញ៉ា​ លោក​ជំទាវ​ លោក​ លោកស្រី​​បងប្អូនមិត្តភ័ក្តីទាំងអស់គ្នាដែល​បាន​ផ្ដល់​នូវ​មហា​កិត្តិយស​ ចូលរួម​ក្នុង​ពិធី​សិរី​មង្គល​ អាពាហ៍ពិពាហ៍​របស់ខ្លួនទាំងទីជិត​ និង​ទី​ឆ្ងាយសូមជួប​តែ​ពុទ្ធិពរទាំងឡាយ៤​ប្រការ​គឺ អាយុ​ វណ្ណៈ​ សុខ: ពលៈ​ កុំបី​ឃ្លៀង​ឃ្លាត​ឡើយ​។

ចំពោះការសម្រេចចិត្ដរបស់លោក ហោគន្ធា នាយក​ប្រតិបត្តិ​ក្រុមហ៊ុន​ អិម​ អ​ សុខារ៉េស៊ីដេន​ គ្រុប ដែលបានជ្រើសរើសយកចាប៉ីដងវែងលេងស្វាគមន៍ភ្ញៀវកិត្តិយសក្នុងពិធីមង្គលការនេះគឺជាការលើកកម្ពស់លើវិស័យសិល្បៈខ្មែរនៃផ្នែកចាប៉ីដងវែងដែលត្រូវបានដាក់ចូលជាបេតិកភណ្ឌពិភពលោក ។ ហើយក៏អាចចាត់ទុកថាជាលើកទី១ហើយដែលកូនខ្មែររៀបអាពាហ៍ពិពាហ៍តាមទំនាមទម្លាប់ប្រពៃណីដូចគូរស្វាមីភរិយាដ៍ទៃទៀតដែរតែផ្លែកត្រង់មានចាប៉ីដងវែងចូលរួមសម្តែងកំដរភ្ញៀវកិត្តយសយ៉ាងពិរស់រណ្តំដែលគំនិតនេះនេះក៍ធ្លាប់មានការផ្តល់ជាយោបល់ល្អពីលោកមេធាវី ម៉ម វ៉ានផងដែរ។

សូមបញ្ជាក់ថាពិធីមង្គលអាពាហ៍ពិពាហ៍ខាងលើនេះគឺរៀបចំឡើងយ៉ាងឱឡារិកអធិកអធមមិនចាញ់ការកូនមន្ត្រីគហបតីមួយចំនួនឡើយ។

Related posts

Leave a Comment