អុញនោះ ស្ថានការណ៏កាន់តែធ្ងន់ហើយ!! ក្រុមអ្នករត់ម៉ូតូឌុបថៃ ចូលរួមតវ៉ា ប្រឆាំងរដ្ឋាភិបាលលោក ប្រយុទ្ធ ចាន់អូចា…

រាជធានីបាងកក៖ រហូតមកដល់ពេលនេះ បាតុកម្មនោះក្នុងប្រទេសថៃ កាន់តែពុះកញ្ជ្រោលឡើង ហើយក្រុមអ្នករត់ម៉ូតូឌុបពាក់អាវពណ៌ទឹកក្រូច កំពុងតែក្លាយជាសម្ព័ន្ធមិត្តរបស់ក្រុមអ្នកតវ៉ាប្រឆាំង នឹងរដ្ឋាភិបាលថៃ ដឹកនាំ ដោយលោក ប្រាយុទ្ធ ចាន់អូចា នាយករដ្ឋមន្រ្ដីថៃ។

សារព័ត៌មាន CNA កាលពីល្ងាច ថ្ងៃពុធ ទី២៨ ខែតុលា ឆ្នាំ២០២០ អ្នករត់ម៉ូតូ​ឌុប​ពាក់​អាវពណ៌​ទឹកក្រូចទាំងនោះបានផ្តល់មធ្យោបាយធ្វើដំណើរ ព្រមទាំងជួយឃ្លាំមើលស្ថានភាពគ្រោះថ្នាក់នានា ជូនដល់ក្រុមបាតុករនិស្សិតថែមទៀតផង។

ក្រុមសិស្ស និងនិស្សិតថៃ បានចាប់ផ្ដើមផ្ទុះការធ្វើបាតុកម្មឡើង ចាប់តាំងពីអំឡុងខែកក្កដា ឆ្នាំ២០២០ ហើយ​រហូតមកដល់ពេលនេះ កំពុងតែពុះកញ្ជ្រោលឡើងយ៉ាងខ្លាំង នៅក្នុងទីក្រុងបាងកក។ ក្រុម​បាតុករ​នៅតែទាមទារឲ្យនាយករដ្ឋមន្រ្ដីថៃ លោក ប្រាយុទ្ធ ចាន់អូចា ចុះចេញពីតំណែង, ធ្វើវិសោធន​កម្ម​​រដ្ឋធម្មនុញ្ញ ឆ្នាំ២០១៧ ដែលតាក់តែងឡើយ ដោយក្រុមយោធា និងធ្វើកំណែទម្រង់​របបរាជានិយម​បច្ចុប្បន្ន។

ដោយសារតែរលកបាតុកម្ម ផ្ទុះចេញពីស្រទាប់យុវជនថៃ ហើយមិនស្ថិត​នៅក្រោម​ការដឹកនាំ​របស់​គណ​បក្សនយោបាយណាមួយ ដូចពីអតីតកាល ទើបរដ្ឋាភិបាលពិបាកនឹងដោះស្រាយ។ ប៉ុន្ដែ​កាលពី​ថ្ងៃទី​១៥ ខែតុលា ឆ្នាំ២០២០ រដ្ឋាភិបាលបានសម្រេចប្រកាសដាក់ទីក្រុងបាងងកក ឲ្យស្ថិតក្នុង​ក្រោម​ច្បាប់​គ្រាអាសន្ន តាមបញ្ជារបស់លោកនាយករដ្ឋមន្រ្ដី ប្រាយុទ្ធ ចាន់អូចា ។ ក្រោមបទបញ្ជានេះ ប៉ូលិសថៃ បានចេញបង្រ្កាបក្រុមបាតុករ នាថ្ងៃទី១៦ ខែតុលា ទើបនាំឲ្យមានការរិះគន់យ៉ាងខ្លាំងដល់រដ្ឋាភិបាល អំពីការប្រើប្រាស់អំពើហិង្សាលើអ្នកគ្មានអាវុធ នៅក្នុងដៃ ហើយចុងក្រោយ នាយករដ្ឋមន្រ្ដីថៃ ក៏លុប​ច្បាប់នោះចោលវិញ។

ដោយឡែក លោក ឈួន លីផៃ ប្រធានសភាថៃ និងជាអតីតនាយករដ្ឋមន្រ្ដីថៃ ក៏បាន​ជំរុញ​ឲ្យ​សមាជិក​សភា មកពីបក្សប្រឆាំង និងបក្សចម្រុះ ដែលកំពុងកាន់អំណាច ចូលសភា ហើយសភា ក៏បាន​កោះ​ប្រជុំ​វិសាមញ្ញ កាលពីថ្ងទី២៦-២៧ ខែតុលា ឆ្នាំ២០២។ សមាជិកសភាបក្សប្រឆាំង ភឿថៃ បានជំរុញ​ឲ្យ​លោក ប្រាយុទ្ធ ចាន់អូចា ចុះចេញពីតំណែង ដើម្បីដោះស្រាយបញ្ហាវិបត្ដិនយោបាយនៅថៃ។ ប៉ុន្ដែ​ទោះជាយ៉ាងណា លោកនាយករដ្ឋមន្រ្ដីថៃ បានប្រកាសថា លោកនឹងមិនចុះចេញពីតំណែង នៅក្នុង​ប្រទេស​កំពុងតែប្រឈមនឹងបញ្ហាបែបនេះទេ។

ប្រទេសថៃ មានប្រវត្តិនយោបាយ តែងតែប្រែក្លាយការតវ៉ា នៅតាមដងផ្លូវ ទៅជាអំពើហិង្សា ដោយ​មាន​បាតុកម្មទ្រង់ទ្រាយធំ ហើយមានការបង្ក្រាបយ៉ាងចាស់ដៃពីសំណាក់អាជ្ញាធរ។ កាលពីពេលមុនៗ ការធ្វើបាតុកម្មនេះ គឺក្រុមអ្នករត់ម៉ូតូឌុបបានជួយគាំទ្រក្រុមអាវក្រហម ភាគច្រើនជាក្រុមវណ្ណៈកម្មករ គាំទ្រអតីតនាយករដ្ឋមន្ត្រីថៃ លោក ថាក់ស៊ីន និងលោកស្រី យីងឡាក់ (ត្រកូលស៊ីណាវ៉ាត្រា) ។ ប៉ុន្ដែ​នាយក​រដ្ឋមន្រ្ដីទាំង២នាក់បងប្អូននេះ កាន់អំណាច មិនបានប៉ុន្មានផង ក៏ត្រូវក្រុម​យោធា​ធ្វើរដ្ឋប្រហារ​ទម្លាក់ ពីតំណែង ហើយរហូតមកដល់ពេលនេះ ពួកគាត់ត្រូវក្រុមយោធា ដឹកនាំរដ្ឋប្រហារ ដោយលោក ប្រាយុទ្ធ ចាន់អូចា ធ្វើទុក្ខបុកម្នេញ រហូតរត់ភៀសខ្លួន ចោលប្រទេសកំណើតថែមទៀតផង។

ដោយឡែក ចលនាប្រឆាំងនឹងរដ្ឋាភិបាល ដឹកនាំដោយក្រុមនិស្សិតសាកលវិទ្យាល័យនានា នៅតែ​បន្ត​ធ្វើបាតុកម្ម។ ប៉ុន្ដែរហូតមកដល់ពេលនេះ ក្រុមអ្នករត់ម៉ូតូឌុប មកពីតាមបណ្ដាខេត្តភាគឦសាន និង​តំបន់​​អនាធិបតេយ្យនានា នៅទីក្រុងបាងកក ក៏នឹងចូលរួមធ្វើឲ្យបាតុកម្ម កាន់តែកើន​ឡើងខ្លាំង​ជាងមុន​ទៅទៀត ក្រោយពេលលោក បា្រយុទ្ធ ចាន់អូចា នាយករដ្ឋមន្រ្ដីថៃ ប្ដេជ្ញាបន្ដកាន់​តំណែង​ទៅមុខ​ទៀត៕

Related posts

Leave a Comment