អរគុណជំនួស ! រដ្ឋបាលរាជធានីភំ្នពេញ នាំយកអំណោយ របស់សម្តេចតេជោ ចែកជូន ពលរដ្ឋ ដែលរងគ្រោះដោយទឹកជំនន់ នៅ ខណ្ឌដង្កោ រួមទាំង ម្ហូបអាហារជាប្រចាំថ្ងៃ​ ថែមទំាងបានបំពាក់នូវម៉ាស៊ីនបោកគក់ជូន ដោយឥតគិតថ្លៃ ទៀត…

កាលពី ព្រលប់ថ្ងៃទី ១៥ ខែតុលា ឆ្នាំ ២០២០ ម្សិលមិញ នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញពិនិត្យមើលស្ថានភាពទឹកជំនន់ និងសួរសុខទុក្ខបងប្អូនប្រជាពលរដ្ឋដែលរងគ្រោះដោយសារទឹកជំនន់ នៅខណ្ឌដង្កោ រាជធានីភ្នំពេញ។

សម្តេចតេជោ បានអញ្ជើញចុះជួបជាមួយនឹងបងប្អូនប្រជាពលរដ្ឋដែលរងគ្រោះ និងត្រូវបានអាជ្ញាធរបញ្ជូលមកកាន់ទីតាំងសុវត្តិភាពចំនួន២ទីតាំង ដែលទីតាំងទី១នៅក្នុងបុរីភពថ្មីកួរស្រូវ២ និងទីតាំងទី២គឺនៅមុខផ្សារព្រែកជ្រៃ ។

ក្នុងនោះ សម្ដេចតេជោ ហ៊ុន សែន ក៏បានថ្លែងកោតសរសើរចំពោះអាជ្ញាធរគ្រប់លំដាប់ថ្នាក់គ្រប់រាជធានី-ខេត្ត កងកម្លាំងប្រដាប់អាវុធទាំងអស់ ដែលបានចេញប្រតិបត្តិការព្រមៗគ្នា សង្គ្រោះប្រជាជនទៅកាន់ទីទួលមានសុវត្ថិភាព។

ចំណែកនៅមុននេះបន្តិច នាថ្ងៃទី ១៧ ខែតុលា ឆ្នាំ ២០២០ គេប្រទះឃើញ ហ្វេសប៊ុកផេក “រដ្ឋបាលរាជធានីភ្នំពេញ” បានបង្ហោះរូបភាពជាច្រើនសន្លឹក និងភ្ជាប់សារខ្លីមួយបញ្ជាក់បន្ថែមថា “រដ្ឋបាលរាជធានីភំ្នពេញ បានបន្តនាំយកអំណោយ របស់សម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន​ ចែកជូនដល់បងប្អូនប្រជាពលរដ្ឋ ដែលរងគ្រោះដោយទឹកជំនន់ ស្ថិតក្នុងសង្កាត់រលួស ខណ្ឌដង្កោ រួមទាំងបានរៀបចំម្ហូបអាហារជាប្រចាំថ្ងៃ​ និងបានបំពាក់នូវម៉ាសុីនបោកគក់ និងម៉ាសុីនសម្ងួតសំលៀកបំពាក់ នៅហ្នឹងកន្លែង ដោយឥតគិតថ្លៃ( មុខផ្សារព្រែកជ្រៃ ) ដើម្បីសម្រួលដល់ការរស់នៅប្រចាំថ្ងៃរបស់ពួកគាត់៕”៕

Related posts

Leave a Comment