ម៉ាស្រុកមានមួយ!! ហួសចិត្ត កំពុងរៀបចំបូជាសពឪពុក ស្រាប់តែអ្នកជិតខាងឲ្យរើមេរុចេញ ខ្លាចប៉ះខ្សែភ្លើងគាត់…(មានវីដេអូ)

វីដេអូខ្លីចំនួន ៣ ត្រូវបានគេកត់សម្គាល់ឃើញមានការចែកចាយព្រោងព្រាតពេញបណ្ដាញសង្គមហ្វេសប៊ុក ដោយក្នុងវីដេអូនោះបានបង្ហាញពីសកម្មភាពជម្លោះតឹងសរសៃកផ្អើលរោងបុណ្យសពនៅទីតាំងមួយកន្លែង ក្នុងខេត្តបាត់ដំបង បន្ទាប់ពីមានអ្នកជិតខាងជាស្ត្រីពីរនាក់ទំនងម្តាយកូន បានកើតទុក្ខមិនសុខចិត្តឱ្យម្ចាស់បុណ្យសពរុះរើរោងបុណ្យ ក៏ដូចជាមេរុដែលត្រៀមសម្រាប់តម្កល់ និង បូជាសពចេញទៅធ្វើនៅទីវត្តជាបន្ទាន់ ព្រោះគាត់ភ័យ​ខ្លាច​ថា ពេល​បូជាសព​ទៅអាចមាន​ភ្លើង ឬ ​កំដៅធ្វើ​ឱ្យ​ប៉ះពាល់​ខ្សែភ្លើងគាត់ អាចទុ​ស្សេបណ្តាលឱ្យ​ប៉ះពាល់​ដល់​អាយុជីវិត​កូនចៅ​របស់​គាត់​នៅ​ឯ​ផ្ទះ ។

រឿងរ៉ាងជម្លោះតឹងសរសៃកនេះ បានកើតឡើងកាលពីថ្ងៃទី ០៧ ខែតុលា ឆ្នាំ ២០២០ កន្លងទៅនេះ ហើយការចេញមកបង្កទំនាស់ដោយយល់ឃើញដូចខាងលើ និង គ្មានការយោគយល់គ្នាពីសំណាក់អ្នកជិតខាងជាស្រ្តីរូបនោះដែរ បានធ្វើឱ្យក្រុមគ្រួសារសព ក៏ដូចជាភ្ញៀវដែលបានមកចូលរួមនោះ កើតក្តីហួសចិត្តឥតឧបមា ដោយក្នុងនោះក៏មានអ្នកលេងហ្វេសប៊ុកមួយចំនួនធំក៏បានចូលរួមបញ្ចេញមតិទម្លាក់បន្ទុករិះគន់ស្រ្តីអ្នកជិតខាងលើនោះយ៉ាងចាស់ដៃផងដែរ ។

បើយោងតាមទំព័រហ្វេសប៊ុកឈ្មោះ Sëäv Fäng បានបង្ហោះវីដេអូខ្លីៗចំនួន ៣ នោះចូលក្នុងបណ្តាញសង្គម និង អះអាងថាខ្លួនជាកូននៃសព បានរៀបរាប់យ៉ាងហួសចិត្តថា «ហួសចិត្ត សុំស៊ែរម្នាក់មួយផង បងប្អូនក្រុមគ្រួសារខ្ញុំកំពុងតែមានទុក្ខ គាត់នៅបន្ថែមទុក្ខមកឱ្យពួកខ្ញុំទៀត ចិត្តមនុស្សពិតជាចង្អៀតចង្អល់មែន» ។ ម្ចាស់គណនីហ្វេសប៊ុកដដែលនេះក៏បានឱ្យដឹងបន្តទៀតថា «បញ្ជាក់មិនមែនរោងបុណ្យចូលដីគាត់ទេ គឺខ្សែភ្លើងរបស់គាត់កាត់មុខផ្ទះរបស់ខ្ញុំ» ។

ទោះជាយ៉ាងនេះក្ដី យើងក៏មិនអាចសន្មតថាភាគីខាងណាបំពានខាងណានោះច្បាស់នៅឡើយទេ ដោយសារវីដេអូមានរយៈពេលខ្លី ហើយមិនអាចកាត់យល់ពីដើមហេតុឱ្យបានច្បាស់លាស់នោះ ប៉ុន្តែយ៉ាងណាបើសិនជាមានការអត់ឱន និង យោគយល់គ្នាដោយឃើញភាគីម្ខាងកំពុងមានទុក្ខនោះ រឿងហេតុនេះទំនងជានឹងមិនកើតមានឡើងឡើយ ៕

Related posts

Leave a Comment