ថ្មីមួយទៀតហើយ!! លោកសក្កិ៤កន្លះ អាងអំណាច ដកកាំ ភ្លើ ងបា ញ់គម្រា មស្រ្ដីម្នាក់ អស់ចំនួន២គ្រាប់ រួចរត់គេចខ្លួនបាត់…

ខេត្តព្រះសីហនុ៖ នាយប់ថ្ងៃទី២៨ ខែកញ្ញា ឆ្នាំ២០២០ វេលាម៉ោង២១និង៣០នាទីយប់ មានការករណីភ្ញាក់ផ្អើលមួយដែលមន្ត្រីយោធាពាក់សក្កិ៤កន្លះ នៅរាជធានីភ្នំពេញ បានដក កាំ ភ្លើ ងបា ញ់គម្រា មទៅលើស្រ្ដីម្នាក់ ចំនួន២គ្រាប់ ដោយបង្កឡើងនៅចំណុចមុខផ្ទះបុណ្យ០៧ថ្ងៃ ស្ថិតក្នុងភូមិព្រៃនប់២ ឃុំព្រៃនប់ ស្រុកព្រៃនប់ ខេត្តព្រះសីហនុ។

យោងតាមការបញ្ជាក់របស់លោកវរសេនីយ៍ឯក ហួរ យ៉ៃ អធិការនគរបាលស្រុកព្រៃនប់ បានឲ្យដឹងថា នៅវេលាយប់ថ្ងៃទី២៨ ខែកញ្ញា ឆ្នាំ២០២០ មានករណីបាញ់គំរាម មួយករណី នៅស្រុកព្រៃនប់ បង្កឡើងដោយជនសង្ស័យឈ្មោះ ឈ្មោះ ភិន សាយ័ន្ត ហៅណូ ភេទប្រុស មុខរបរយោធា មានទីលំនៅស្ថិតនៅរាជធានីភ្នំពេញ បានប្រើអា វុ ធខ្លី(មិនស្គាល់ម៉ាក) បាញ់ឡើងលើចំនួន០២គ្រាប់ ដើម្បីគម្រាមជនរងគ្រោះឈ្មោះ ចៅ វន្នី ភេទស្រី អាយុ២៥ឆ្នាំ មានទីលំនៅស្ថិតនៅកន្លែងកើតហេតុខាងលើ។

ក្រោយពីធ្វើសកម្មភាពភាពរួចជនសង្ស័យបានបើករថយន្តម៉ាកវ៉ីហ្គូ ពណ៍ស ពាក់ផ្លាកលេខ (រដ្ឋ-..២៤ចុង) រត់គេចខ្លួនបាត់។

ចំពោះមូលហេតុដែលឈានដល់មន្ត្រីយោធាធ្វើការបាញ់គំរាមនេះគេនៅពុំទាន់ដឹងមូលហេតុជាក់លាក់នៅឡើយទេ ប៉ុន្តែបើទោះបីជាយ៉ាងណាក៏ដោយ ក៏អត្តសញ្ញាណជនបង្ក ត្រូវបានសមត្ថកិច្ច កំណត់មុខសញ្ញាបានហើយ និងកំពុងបន្តអនុវត្តនីតិវិធីប្រើតាមផ្លូវច្បាប់ ៕

អត្ថបទដោយ៖ KBN

Related posts

Leave a Comment