ឡូយកប់ហ្មង ! ខេម និង តន់ ចន្ទសីម៉ា ដាក់ម៉ាបទនេះ “ចែមានខ្សែប្រេ​ត​ទេ” ពីរោះហើយ ប្លែកទៀត ដល់ថ្នាក់ ធ្វើឲ្យ ហ្វេនៗចូល comment ព្រាតថា…(មានវីដេអូ)

ទស្សនិកជនមួយចំនួនធំ ប្រហែលជានៅចាំ អតីតបេក្ខនារី កញ្ញា តន់ ចន្ទសីម៉ា ដែលធ្លាប់ចូលប្រឡងក្នុងកម្មវិធី The Voice Cambodia រដូវកាលទី 2 កាលពីឆ្នាំ ២០១៦ ពេលនោះ សីម៉ា មានអាយុត្រឹមតែ ១៧ឆ្នាំប៉ុណ្ណោះ មកពីខេត្តតាកែវ ។

បើទោះ អតីតបេក្ខនារីរូបនេះ មិនទទួលបានពានរង្វាន់ក៏ដោយ ក៏ប្រជាប្រិយរបស់ សីម៉ា នៅតែទទួលបានការគាំទ្រខ្លាំង ពីសំណាក់មហាជន រហូតបានក្លាយខ្លួនជាអ្នកចម្រៀងអាជីព ក្នុងផលិតកម្ម Galaxy Navatra។

រឹតតែពិសេសជាងនេះទៅទៀតនោះ បានចាប់ដៃគូ ជាលើកដំបូង ជាមួយតារាចម្រៀងដ៏ល្បី គឺ លោក ខេម ព្រមទាំងបានបកស្រាយបទចម្រៀងជាច្រើនបទ មានដូចជា ៖ សុំមួយពេលមក, ការស្រឡាញ់ដែលខ្វះជាតិស្ករ, ចង់សុំ Wifi និងបទជាច្រើនទៀត។

នៅមិនទាន់អស់ទេ ស្រាប់តែមកដល់ថ្ងៃទី ០៩ ខែកញ្ញា ​ឆ្នាំ ២០២០ នេះ ចំថ្ងៃកាន់បិណ្ឌ៧ ខាងផលិតកម្ម Galaxy Navatra បានបញ្ចេញបទចម្រៀង មួយបទទៀតហើយ សម្រាប់តារាចម្រៀងទំាងពីរដួង ដែលមានចំណងជើងប្លែក គួរឲ្យចាប់អារម្មណ៍ គឺបទ “ចែមានខ្សែប្រេ​ត​ទេ” ដែលជាការ និពន្ធ Melody និងទំនុកច្រៀង ដោយ ឡេង ណាវ៉ាត្រា និង T​e​m​p​o T​r​is ព្រមទំាង និពន្ធបទភ្លេង ដោយ ឈិត តេងរិទ្ធ។

ក្រោយស្តាប់ចប់ ធ្វើឲ្យហ្វេនៗតារាចម្រៀង ខេម និង កញ្ញា តន់ ចន្ទសីម៉ា នាំគ្នាចូល comment ព្រាតថា ៖ ពិតជាពិរោះណាស់ ថ្មីរហូតសូមសរសើរពិតជាល្អមែនទែន, ចុម ពីរោះណាស់ Idol, ថ្មីចែសតែម្តងបទហ្នឹង ពីរោះណាស់Idolទាំងពីរ, ដៃគូដ៏ស័ក្តិសម, Galaxy Navatra ចេញបទមួយណា មកក៏ពីរោះដែរ។

ព្រមទំាងនៅមានពាក្យសរសើរជាច្រើនទៀត ចំពោះផលិតកម្មនេះ និងតារាចម្រៀងទំាងពីរ បកស្រាយចម្រៀងមួយបទនេះ។ តោះកុំឲ្យខាតពេលយូរ សូមទស្សនា និងស្តាប់ទំាងអស់គ្នា​៖

Related posts

Leave a Comment