អបអរសាទរ! វិទ្យាល័យបាក់ទូក ត្រូវបានជ្រើសរើសជាសាលារៀនដំបូងបើកឡើងវិញ សម្រាប់ថ្នាក់ទី ៩ និង ទី ១២

យោងតាមគេហទំព័រផ្លូវការរបស់ក្រសួងអប់រំយុវជន និង កីឡា កាលពីថ្ងៃទី ២៥ សីហា ២០២០ បានបើកកិច្ចប្រជុំមួយស្តីពី «លទ្ធភាពក្នុងការបើកដំណើរការឡើងវិញគ្រឹះស្ថានមធ្យមសិក្សាក្នុងដំណាក់កាលទី ២ សម្រាប់ថ្នាក់ទី ៩ និង ថ្នាក់ទី ១២» ធ្វើឡើងក្រោមអធិបតីភាព​ឯកឧត្ដម​បណ្ឌិត​សភាចារ្យ ណាត ប៊ុនរឿន រដ្ឋលេខាធិការ​ក្រសួង​អប់រំ យុវជន និង ​កីឡា ដោយ​មាន​ការចូលរួម​ពី​ថ្នាក់​ដឹកនាំ​ក្រសួង ប្រធាន​នាយកដ្ឋាន​ជំនាញ គណៈ​គ្រប់គ្រង និង ​គ្រូបង្រៀន​មុខវិជ្ជា​ឯកទេស​នៃ​វិទ្យាល័យ​បាក់ទូក ។

តាមរយៈកិច្ចប្រជុំ ក្នុងនោះវិទ្យាល័យបាក់ទូកត្រូវបានជ្រើសរើសជាសាលារៀនដំបូងដែលត្រូវបើកឡើងវិញ ដោយសារមានចំនួនសិស្សថ្នាក់ទី ១២ ច្រើនជាងគេទូទាំងប្រទេស ។ លទ្ធភាពនៃការបើកសាលារៀនឡើងវិញ

បានសិក្សាទៅលើការសិក្សាក្នុងថ្នាក់រៀនដោយផ្ទាល់ និង ការសិក្សាពីចម្ងាយដោយប្រើប្រាស់បច្ចេកវិទ្យា ហើយមានចំនួនសិស្សចន្លោះពី ១៥ ទៅ ២០ នាក់ក្នុងមួយថ្នាក់ ការរៀបចំកាលវិភាគសិក្សា ការសិក្សាលើធនធានដែលវិទ្យាល័យមានស្រាប់ដូចជា បន្ទប់សិក្សា ចំនួនគ្រូបង្រៀន និង វិធានការអនាម័យតាមការណែនាំរបស់ក្រសួងសុខាភិបាល ។

បន្ថែមពីនេះឯកឧត្ដមបណ្ឌិតសភាចារ្យ ក៏បានលើកទឹកចិត្តឱ្យមានការប្រើប្រាស់បច្ចេកវិទ្យាក្នុងវិស័យអប់រំ ដោយការប្រើប្រាស់ការសិក្សាពីចម្ងាយ និង ការសិក្សាតាមប្រព័ន្ធអេឡិចត្រូនិក ក្នុងកំឡុងពេលនៃវិបត្តិកូវីដ-១៩ នេះ និង​ អាច​ទាញ​យក​ផលប្រយោជន៍សម្រាប់ពេលអនាគត ដោយ​បន្ត​និរន្តរភាព​បច្ចេកវិទ្យា ​៕

Related posts

Leave a Comment