ប្រសើរណាស់! សម្ដេច​ក្រឡាហោម ស ខេ​ង បញ្ជា​ឲ្យ​លុប​បំបាត់​ករណី​អ្នក​ជាប់​ឃុំ​ ទូរស័ព្ទ​ពី​ក្នុង​ពន្ធនាគារ​ មក​ក្រៅ…

រាជធានី​ភ្នំពេញ ៖ សម្តេច​ក្រឡាហោម ស ខេ​ង ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួងមហាផ្ទៃ បាន​បញ្ជា​ឱ្យ អគ្គនាយក​ពន្ធនាគារ​ថ្មី ត្រូវ​ទប់ស្កាត់ និង​លុប​បំបាត់​ការ​លួច​ទាក់ទង​តាម​ទូរស័ព្ទ​ចេញពី​ក្នុង​ពន្ធនាគារ មក​ខាងក្រៅ ពី​សំណាក់​អ្នក​ជាប់​ឃុំ ។

ការ​បញ្ជា​របស់​សម្តេច​ក្រឡាហោម ស ខេ​ង បែប​នេះ ធ្វើ​ឡើង​ក្នុង​ឱកាស​ដែល​សម្តេច​ក្រឡាហោម​បាន​អញ្ជើញ​ជា​អធិបតីភាព ក្នុង​ពិធី​ប្រកាស​ចូល​កាន់​តំណែង អគ្គនាយក​ថ្មី នៃ​អគ្គនាយកដ្ឋាន​ពន្ធនាគារ នា​រសៀល​ថ្ងៃ​ទី​១០ ខែសីហា ឆ្នាំ​២០២០​នេះ ។

សម្តេច​ក្រឡាហោម ស ខេ​ង មាន​ប្រសាសន៍​ថា សន្តិសុខ​កន្លង​ទៅ ការ​ពិត​ទូទៅ​យើង​ធ្វើ​បាន​ល្អ​ហើយ ក៏​ប៉ុន្តែ ការ​គ្រប់គ្រង​ទំនាក់ទំនង​ចេញ​មក​ក្រៅ​បញ្ហា​នេះ យើង​ត្រូវ​ប្តេជ្ញា​ត្រូវធ្វើ​ឱ្យ​បាន កុំឱ្យ​ការ​ទាក់ទង​មក​ក្រៅ​ថែម​ទៀត លួច​ទូរស័ព្ទ​យក​ចូល​អី​អ​ញ្ចឹ​ង នេះ​ជា​បញ្ហា ខ្ញុំ​ជឿ​ថា​យើង​រៀបចំ​វិធានការ​ជាក់លាក់ កន្លង​ទៅ​យើង​បាន​ដោះស្រាយ​បញ្ហា​បាន​មួយ​ចំនួន ដោយ​មានការ​វិនិយោគ ពី​វិស័យ​ឯកជន​តែ​មិន​បាន​ទទួល​ជោគជ័យ​ទេ អ​ញ្ចឹ​ង​ហើយ​សុំ​ឱ្យ​បន្ត​ធ្វើ​កិច្ច​ការងារ​នេះ​បន្ត​ទៀត ។

សម្តេច​ក្រឡាហោម ស ខេ​ង ក៏​បាន​លើក​ឡើង​ថា បញ្ហា​របស់​មន្ត្រី​យើង ក៏​នៅ​តែ​ជា​បញ្ហា​ប្រឈម​មួយ​ផង​ដែរ ។ មន្ត្រី​អនុ​រ័ក្ស​ពន្ធនាគារ បច្ចុប្បន្ន​នេះ កម្ពុជា​មាន​ចំនួន ៣,០៧៤​នាក់ ដែល​ចំនួន​នេះ មានការ​ខ្វះខាត​នៅឡើយ ដូច្នេះ​តម្រូវ​ឱ្យ​មានការ​បង្កើន​ចំនួន​ផង​ដែរ ៕

Related posts

Leave a Comment