ឃើញហើយ រំភើបជំនួស ! ព្រោះតែបារម្ភ ពីសុខភាពផ្លូវចិត្ត និងសតិអារម្មណ៍ ក្មេងស្រីម្នាក់នេះ ដែលត្រូវគេយកកាំបិតវះមុខ នោះ, ឧកញ៉ា ឌួង ឆាយ បានធ្វើរឿងមួយនេះ ជូនទៀតហើយ…

កាលពីថ្ងៃទី ១៦ ខែកក្កដា ឆ្នាំ២០២០ កន្លងផុតទៅថ្មីៗនេះ មានហេតុការ​ណ៍ ដ៏សែ​នរន្ធ​ត់មួយ បានកើតឡើង នៅក្នុងបុរីពិភពថ្មីឈូកវ៉ា២ ក្នុងភូមិតិក្ខប្បញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដោយស្រ្តីជាជនដៃដល់ បានយកកាំ​បិ​តឆូ​តផ្ទៃមុខ និងច្រមុះ ព្រមទាំងដៃក្មេងស្រីរ​ងគ្រោះម្នាក់ បណ្ដាលឲ្យរ​ងរបួ​សធ្ង​ន់ធ្ងរ ព្រោះតែក្មេងស្រីរូបនោះ យកដុំថ្មគ​ប់កូនប្រុសគាត់ បែ​កក្បា​ល។

ដោយទប់ចិត្តមិនជាប់ ព្រោះក្តីអាណិតខ្លោចចិត្ត ឧកញ៉ា ឌួង ឆាយ និងភរិយា បានទៅសួរសុខទុក្ខ និងលើកទឹកចិត្ត ក្មេងស្រីដ៏គួរឲ្យអាណិតនេះដល់មន្ទីរពេទ្យកុមារជាតិ ព្រមទាំងជូនថវិកាចំនួន ១០០០ដុល្លារ ហើយសន្យានឹងជួយក្មួយស្រីម្នាក់នេះ យកទៅមន្ទីរពេទ្យ ដើម្បីព្យាបាលអ៊ុតមុខនៅប្រទេសថៃ ឬ ប្រទេសកូរ៉េ នៅពេលជំងឺក្មួយបានជាសៈស្បើយ និងស្ថានភាពជំងឺកូវិត-19 ប្រសើរឡើង។

ចំណែកនៅមុននេះបន្តិច នាថ្ងៃទី ០៧ ខែសីហា ឆ្នាំ ២០២០ ព្រោះតែក្តីបារម្ភអំពីសុខភាពផ្លូវចិត្ត និងសតិអារម្មណ៍របស់ក្មួយស្រីរូបនេះ ឧកញ៉ា ឌួង ឆាយ បានធ្វើរឿងមួយនេះជូនទៀតហើយ។

លោកបានបញ្ជាក់ក្នុងហ្វេសប៊ុកផេកផ្លូវការរបស់ខ្លួនបន្ថែមថា ៖ “ថ្ងៃនេះឆ្លៀតពេលពីការងារបានទិញតុក្កតា និងជូនថវិកា បន្តិចបន្តួច អោយក្មួយ សុជាតា និងសួរសុខទុក្ខអំពីស្ថានភាពជំងឺមុខរបួសរបស់ក្មួយ និងញុំា តែទឹកដោះគោគុជ អោយក្មួយស្រីបានចេញពីផ្ទះខ្លះ ដើម្បីអោយក្មួយមានភាពរឹងមាំ និងក្លាហានហ៊ាន ចេញមកក្រៅផ្ទះ ជួបគេឯង ពីព្រោះខ្ញុំបារម្ភអំពីសុខភាពផ្លូវចិត្ត និងសតិអារម្មណ៍របស់ក្មួយស្រី។ ពូមីងគ្មានអ្វីក្រៅពីអាណិត និងលើកទឹកចិត្តបួងសួងបន់ស្រន់អោយក្មួយស្រីបានជាសះស្បើយដូចដើម”៕

Related posts

Leave a Comment