ខេត្តរតនគិរី៖ ទីតាំងលាក់ទុកឈើមួយកន្លែងដ៏ធំនេះកម្លាំងចម្រុះបានចុះប្រតិបត្តិការបង្ក្រា.បនៅវេលាម៉ោង១០ព្រឹកថ្ងៃទី៣០ ខែកក្កដា ឆ្នាំ២០២០ ត្រង់ចំណុចភូមិ(គ៦០)ស្ថិតក្នុងឃុំត្រពាំងច្រេស ស្រុកកូនមុំខេត្តរតនគិរី។
បង្ក្រា.បទីតាំងលាក់ទុកឈើដោយ.ខុស.ច្បាប់.នេះគឺមានការចង្អុលបង្ហាញពី លោកថង សាវុន អភិបាលខេត្តនិងជាប្រធានគណៈបញ្ជាការឯកភាពខេត្តនិងមានការសម្របសម្រួលដោយតំណាងអយ្យការអមសាលាដំបូងខេត្តរតនគិរី លោក លាង អ៊ូ ព្រះរាជអាជ្ញារង។អញ្ជើញចូលរួមក្នុងក្នុងកិច្ចប្រតិបត្តិការនេះដែរមានលោកនូវ ដារា នាយការិយាល័យនគរបាលប្រឆាំងបទល្មើសសេដ្ឋកិច្ចនៃស្នងការដ្ឋានខេត្តរួមទាំងកម្លាំងរដ្ឋបាលព្រៃឈើនិងសមត្ថកិច្ចមូលដ្ឋានផងដែរ។
ប្រតិបត្តិការនេះសមត្ថកិច្ចនៅកំពុងតែបន្តសកម្មភាពមិនទាន់បញ្ចប់នៅឡើយទេ។ប្រភពបន្តថា ទីតាំងនោះមានស្តុកឈើជាច្រើនហើយកម្លាំងសមត្ថកិច្ចកំពុងធ្វើការរឹបអូសដឹកជញ្ជូនយកមកទុកនៅផ្នែករដ្ឋបាលព្រៃឈើលំផាត់ដែលមានទីតាំងនៅក្នុងសង្កាត់កាចាញ ក្រុងបានលុងដើម្បីធ្វើការវាស់វែង។ ប្រតិបត្តិការបង្ក្រា.បនោះក៏មានការនាំខ្លួនម្ចាស់ទីតាំងបានពីរនាក់ផងដែរ ប៉ុន្តែមិនទាន់បានស្គាល់ឈ្មោះនៅឡើយ ឯតួលេខឈើក៏ពុំទាន់ដឹងចំនួនពិតប្រាកដដែរ ៕
ប្រភព៖JTV News
