ហួសចិត្ត សូមជួយគាត់ផង! កាមេរ៉ាសុវត្តិភាពបង្ហាញថា ស្ត្រីចំណាស់រើសបានចិញ្ចៀនទេ តែលោកផ្កាយពីរចោទថាលួចចិញ្ចៀនពេជ្រគាត់…(មានវីដេអូ)

ភ្នំពេញ៖ លោកផ្កាយ២ម្នាក់ឈ្មោះ យឹម វុទ្ធី ក្នុងនាមជាដើមបណ្តឹង បានប្តឹងលោកយាយម្នាក់អាយុ៦០ឆ្នាំ ឈ្មោះ ជង សៀមឆេង ដោយចោទប្រកាន់ពីបទ «លួចចិញ្ចៀនពេជ្រ និង ជំរិតទារប្រាក់» ។ ទន្ទឹមនេះ ខាងនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានកោះហៅលោកយាយអាយុ៦០ឆ្នាំ អោយចូលបំភ្លឺ នាថ្ងៃទី២៨ ខែកក្កដា ឆ្នាំ២០២០ ថ្មីៗនេះ រួចហើយ ។

យោងតាមគណនីហ្វេសប៊ុកមួយឈ្មោះ «សេង សុវណ្ណ មង្គល» បានបង្ហោះកាលពីព្រលប់ថ្ងៃទី២៨ ខែកក្កដា ឆ្នាំ២០២០ ថ្មីៗនេះ ថា «ឯណាយុត្តិធម៌ ! ម្ដាយខ្ញុំ​រើសបាន​ចិញ្ចៀន​កណ្តាល​ថ្នល់​សោះ ​មិនដឹង​ថាចិញ្ចៀន​បុគ្គល​ណាទេ​ តែបែរជា​លោក​ផ្កាយ២ ចោទថា ​ម្ដាយខ្ញុំ​ជាអ្នក​លួច​ចិញ្ចៀន​ទៅវិញ ។ រូប​ភាព​ មានហើយ​ហេតុ​អី​បាន ថា ​គ្រួសារខ្ញុំ​លួច​ចិញ្ចៀន​ប្រទេស​ខ្មែរ​មាន​យុត្តិធម៌​ទេ​ សម្រាប់​គ្រួសារ​របស់​ខ្ញុំ​ តើគ្រួសារ​របស់​ខ្ញុំ​ទទួល​បាន​យុត្តិធម៌​យ៉ាងណា​»។

ជាមួយគ្នានេះ លោកស្រី ហ៊ុន ស៊ីណាត ប្អូនស្រីបង្កើតសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ចេញជាយោបល់ ថា «បើតាមខ្ញុំមើលភស្តុតាងក្នុង Camera មានជាក់ស្តែង ឃើញនឹងភ្នែកច្បាស់ ប៉ុណ្ណឹង ហើយ លោកផ្កាយ គាត់ហ៊ានប្តឹង ក្នុងលក្ខណៈបំបែកសំណុំរឿងទៀត ។ គួរតែ លោកផ្កាយ ធ្វើការសម្របសម្រួល នឹង លោកយាយ ទើបជាការប្រសើរនិងមានភាពថ្លៃថ្នូរ ក្នុងនាមជាអ្នកមានឋានៈ ក្នុងសង្គមកុំយកផ្កាយមកធ្វើស្រែបុណ្យធ្វើបាបរាស្ត្រទន់ខ្សោយបែបនេះមិនល្អទេ»។

ទោះបីយ៉ាងណា នៅព្រឹកថ្ងៃទី៣០ ខែកក្កដា ឆ្នាំ២០២០ បានព្យាយាមទំនាក់ទំនងភាគីខាងលោកយាយអាយុ៦០ឆ្នាំ តែមិនទាន់បាននៅឡើយទេ ៕

អត្ថបទ៖ CPC News

Related posts

Leave a Comment